|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жұбанов атындағы университет 50 жастан асқан қала тұрғындарына арналған курстарды бастады, - деп хабарлайды Dauletten.kz.
Бұл курстарда қатысушылар тіл үйреніп, цифрлық дағдыларын жетілдіріп, тігін тігіп, би билеуді, шахмат ойнауды меңгеріп, емдік дене шынықтыру және психология бойынша білім алады.
2,5 айға созылатын курстарға сұраныс жоғары. Өткен жылы 65 адам қатысса, биыл олардың саны 180-ге жетті. Орташа жас – 65, ал ең егде тыңдаушы 84 жаста. Барлық қатысушылар үшін оқу тегін.
Зейнеткерлердің мақсаты ауқымды – олар бизнес ашуды, немерелеріне білім беруді жоспарлайды.
- Мен Ресейде туып, сонда білім алып, жұмыс істедім. Зейнетке шыққан соң тарихи отаным – Қазақстанға қоныс аудардым. Қазақ тілі курстары туралы білгенде бірден жазылуды шештім, өйткені тілді білмеймін. Жалпы, бұл жоба маған өте ұнайды, – дейді курс тыңдаушысы Салтанат Тілегенова.
