Жаңалықтар

Қапшағайдағы қайғылы оқиға: демалушыны құтқарамын деп жігіт суға батып кетті

28.07.2026

мин

0

232

Қапшағайда қайғылы оқиға болды. Демалыс базасының қызметкері Андрей Козятинский суға батып бара жатқан демалушыны құтқармақ болып, өзі ажал құшты, - деп хабарлайды Dauletten.kz.

Алдын ала мәлімет бойынша Андрей еш ойланбастан көмекке ұмтылған. Ол адам өмірін арашалап қалуға тырысқанымен, өзі судан шыға алмай қалған. Қайғылы оқиға көпшіліктің қабырғасын қайыстырды.

Андрейдің бұл әрекеті – нағыз ерлік пен жанқиярлықтың көрінісі. Ол өз өмірін қатерге тігіп, өзгені құтқаруға бар күшін салды.

Еске саламыз, жаз мезгілінде су айдындарында қауіпсіздік ережелерін сақтау өте маңызды. Тек арнайы жабдықталған және рұқсат етілген орындарда ғана шомылып, ауа райын ескеріңіз. Балаларды бір сәтке де қараусыз қалдырмаңыз, ал суда төтенше жағдай туындаса, ең алдымен құтқару қызметіне хабарласып, өз өміріңізді де қауіпке тікпеуге тырысыңыз. Сақтық – адам өмірін сақтайтын ең маңызды қағида.