|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Заң мен тәртіп» әлеуметтік жобасын жүзеге асыру аясында Алматы қаласы ішкі саясат басқармасының қоғамдық даму орталығы Орталық мәдениет және демалыс саябағында «Құқығың өз қолыңда» атты кеңес беру мобильді кеңсесінің жұмысын ұйымдастырды, — деп хабарлайды Dauletten.kz.
Іс-шараның мақсаты – халықтың құқықтық сауаттылығын арттыру, құқықтық мәдениет пен құқықтық сананы қалыптастыру.
Ашық алаңда қала тұрғындары құқық саласы бойынша өздерін қызықтырған сұрақтарға тегін білікті көмек алу мүмкіндігіне ие болды.
Кеңес беруді Қалалық адвокаттар алқасының адвокаттары Гүлнар Сәрсенова, Гүлнар Нұрғалиева және Алматы қаласы полиция департаментінің өкілі Аспандияр Омаров жүргізді.
Мұндай іс-шаралар «Заң мен тәртіп» қағидатын ілгерілетуге, тәртіпті нығайтуға, азаматтардың құқықтық кеңістікте және интернетте қорғалуына ықпал етеді.
Аталған іс-шаралар жыл соңына дейін жалғасады.
