|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астана қаласы бойынша Қаржылық мониторинг агенттігінің департаменті электрондық тұтыну жүйелері — вейптер, хош иістендіргіштер мен сұйықтықтардың заңсыз айналымын тоқтатты, - деп хабарлайды Dauletten.kz.
Заңсыз өнім Қазақстанның барлық өңірлеріне Telegram арқылы және курьерлік жеткізумен таратылып келген. Жедел-іздестіру шарасы кезінде 5 қойма анықталып, 490 мыңнан астам вейп тәркіленді. Сарапшылардың айтуынша, олардың сатылымынан түсетін табыс 6 млрд теңгеден асуы мүмкін еді.
Күдіктілер қылмыстық жолмен алынған кірістерді заңдастыру үшін арнайы схема ұйымдастырған. Дроперлердің банктік карталары арқылы ірі сомалар қолма-қол ақшаға айналдырылып, бір бөлігі шетелден кофе жеткізу мәмілелеріне жұмсалған. Бұл операциялардың жалпы сомасы 92 млн теңгеден асады.
Сот санкциясымен заңсыз бизнесте пайдаланылған автокөлікке тыйым салынды. Ұйымдастырушыларға іздеу жарияланды, олар қамауға алу түріндегі бұлтартпау шарасымен іздестірілуде. Тергеу жалғасуда.
