Жаңалықтар

Атырау облысында Жайық өзенінің су деңгейі көтерілді

23.05.2024

1 мин

0

696

Фото: zhaikpress.kz

Атырау облысы Жалғансай ауылының маңында Жайық өзенінің жайылмаларында су деңгейі көтерілді, деп хабарлайды dauletten.kz ТЖМ баспасөз қызметіне сілтеме жасап.

Су жол төсеміне жақындады. Қазіргі уақытта қорғаныс бөгетін нығайту және жер үйіндісін салу жұмыстары жүргізілуде.

Жедел штаб мәліметінше, 23 мамыр сағат 8-дегі жағдай бойынша Жайық деңгейі төмендегідей:

Индербор ауылы +5 см, су деңгейі - 1000 см, шектік меже - 845 см;

Махамбет ауылы +4 см, су деңгейі - 1020 см, шектік меже - 850 см;

Атырау қаласы +4 см, су деңгейі - 585 см, шектік меже - 550 см;

Жаңаталап ауылы +3 см, су деңгейі - 424 см, шектік меже - 500 см;

Еркінқала ауылы +3 см, су деңгейі - 382 см, шектік меже - 450 см.

Құтқарушылар сирена-сөйлеу құрылғыларын пайдалана отырып, жергілікті тұрғындарды хабардар етуде.

Жағдай бақылауда.