|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Өңірлік санитариялық-эпидемиологиялық бақылау департаментінің мәліметі бойынша Атыраудағы базар күйдіргі ауруының таралу қаупіне байланысты жабылды, - деп хабарлайды Dauletten.kz.
Ауру белгілері сауда орындарына қайта тексеру жүргізу барысында анықталды. Экспресс-тест эпидемиологтардың күдігін растады. Дегенмен зерттеудің нақты қорытындылары бірнеше күн ішінде белгілі болады.
- Бұған дейін департамент мамандары ет сатумен айналысатын 65-тен астам сауда орнын тексерген болатын. Барлығы 700-ден астам сынама алынған, олардың бәрінен теріс нәтиже шыққан. Қайта тексеру кезінде алынған сынамалар ұлттық санитариялық-эпидемиологиялық сараптама орталығына жіберілді, – деп хабарлады ведомство.
21 қарашада Атырау мал базарында өлі сиырдан күйдіргі ауруы анықталған. Базар 56 сиыр, 79 қой және 7 жылқымен бірге жабылды. 22 қараша кешке бір адамның жоғары температурамен облыстық ауруханаға жатқызылғаны белгілі болды. Одан күйдіргінің тері формасы расталды. 21 қарашада базарда Құрманғазы ауданынан әкелінген тағы бір мал өлген.
