Жаңалықтар

"Айына 5 миллион маска шығады": жаңа өндіріс орны іске қосылды

01.08.2020

1 мин

0

1066

Елордада айына 5 миллион маска тігетін қуатты өндіріс орны іске қосылды.

Қазіргі уақытта кәсіпорын сынақ режимінде жұмыс істейді, деп хабарлады елорда әкімдігінің ресми сайты.

"Шілдеден бастап сынақ режимінде жұмысқа кірісіп, қызметкерлерді де қатар оқыту басталды. Кәсіпорын жолағы сынақ режимінде екі миллионға жуық маска шығарды. Толық өндірістік қуаты - айына бес миллион маскаға дейін", - деді "Болашақ 2019" ЖШС техникалық директоры Ғабит Нүсіпов.

Медициналық маскалардың ерекшелігі - сүзгі қабатына жоғары қорғаныс қасиеті бар және су өткізбейтін материал қолданылады. Қазіргі уақытта кәсіпорында үш маусымда жұмыс істейді.

"Біз біргеміз" акциясы аясында кәсіпорын №12 қалалық емханаға 5 мың маска жеткізіп берді. Маскалардың жоспарланған бағасы – 55 теңге (көтерме сауда), 60 теңге (бөлшек сауда).

Бетперде сатып алғысы келетіндер "Болашақ 2019" ЖШС (ТМ Bolashak fharma) мына мекен-жай бойынша хабарласа алады: Нұр-Сұлтан қаласы, Байырқұм көшесі, 15. Телефон нөмірі: 8-701-111-58-64, 8-776-311-58-64, 8-775-672-26-36.

Әкімдік шілде айының ортасынан бастап қалаға пневмония, Covid-19 және басқа да ауруларды емдеу үшін 110 тоннаға жуық дәрі-дәрмек жеткізді.