Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Еңбек және халықты әлеуметтік қорғау министрі Серік Шәпкенов балаларға жәрдемақы төлеу бойынша пікір білдірді.
"Көпбалалы аналар барлық жәрдемақыны тоқтатып, "әр балаға 42 500 теңге төлесін" деген сауалға қатысты министр жауап берді.
Оның айтуынша, бұл сұрақ әлеуметтік желіде және депутаттар арасында да талқыланып жатыр. Десе де, бұл жағдайдың екі жағы бар.
«Қазіргі кезде 18 жасқа дейінгі балалардың саны 6 млн-нан асып отыр. Олардың әрқайсысына 42 500 теңгеден төленсе, қомақты қаржы болады. Бүгінде бюджеттен 4 трлн-ға жақын сома бөлінеді. Ал республикалық бюджет, шамамен, 14 трлн теңгені құрайды. Сонда қазірдің өзінде біз бюджеттің үштен бір бөлігін алып отырмыз. Соның 96%-і жәрдемақы мен зейнетақыға үлестіріледі", - деді ол.
Қосымша ана мен баланы қолдауға 700 млрд теңге бөлініп отырады. Сол себепті министр жәрдемақыны біржақты қарастыруға болмайтынын, басқа санаттағы адамдардың мәселесіне де қаржы есептелгенін алға тартты.
Сондай-ақ ол қазіргі кезде әлеуметтік кодекстің әзірленіп жатқанын айтты. Мамандар әлемдік тәжірибені зерттей отыра, жаңа құжат аясында әлеуметтік қолдаудың тиімді шараларын қарастырады.
Тағы көру