Жаңалықтар

Балқаш курорттық аймағына жазда қосымша пойыздар қатынайды

23.05.2025

1 мин

0

250

Сурет: ашық дереккөз

Биыл жазда Балқаш курорттық аймағына қосымша пойыздар қатынайды, - деп хабарлайды Dauletten.kz.

Көлік министрлігі мәліметінше, жазда Балқашқа дейін 10 теміржол маршруты ұйымдастырылады. Пойыздар Астана, Семей, Алматы қалалары мен Қарағанды облысынан (Мойынты, Саяқ) қатынайды.

1. №54/53 "Нұрлы жол – Достық" (аптасына 2 рет);

2. № 254/253 "Нұрлы жол – Достық" (аптасына 2 рет);

3. №122/121 "Нұрлы жол – Семей" (жыл бойы, айдың жұп күндерде).

4. № 643/644 "Мойынты - Балқаш" (күнара);

5. № 605/606 "Қарағанды – Балқаш" (күн сайын);

6. № 6880/6879 "Балқаш – Саяқ" (аптасына 6 рет);

7. № 6877/6878 "Балқаш – Мойынты" (аптасына 6 рет);

8. № 6894/6893 "Балқаш – Саяқ" (аптасына 2 рет);

9. № 6817/6818 "Балқаш 1 – Балқаш 2" (күн сайын).

Сонымен қатар 1 маусым мен 31 тамыз аралығында айдың тақ күндері №219/220 "Қарағанды-Балқаш" жүрдек пойызы қатынайды. Оның құрамына 4 плацкарт және 2 купе вагон кіреді.

Сондай-ақ Балқаш көліне дейін "Орталық – Оңтүстік" жол бағыты арқылы төрт жолақты автомобиль жолы бар. Астана қаласынан "Астана – Қарағанды" жолы арқылы өтіп, одан әрі "Қарағанды – Балқаш" жолына түсіп,  шамамен 5-6 сағатта Балқашқа жетуге болады.