Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Елімізде жылжымайтын мүлік бағасының өсуіне ешқандай себеп жоқ, деп мәлімдеді ҚР Индустрия және инфрақұрылымдық даму вице-министрі Марат Қарабаев. Ол құрылыс салушылардың тұрғын үй құнының алдағы уақытты 20-30%-ке өсуі туралы болжамын негізсіз деп санайды.
Ол брифинг барысында 2021 жылдың басында жылжымайтын мүлік бағасының өсуі пандемия, логистика және құрылыс материалдарын жеткізу мәселелері мен зейнетақы жинағындағы қаражатты алу аясында сұраныстың артқанын айтты.
«Қазір мұндай факторлар жоқ, сол себепті баспана бағасының қымбаттауы күтілмейді. Жылжымайтын мүлік бағасының 30%-ке қымбаттауы жайлы болжам негізсіз деп ойлаймын», - деді Марат Қарабаев.
Оның айтуынша, зауыттардағы құрылыс материалдарының бағасы тұрақты, сондай-ақ жыл ортасынан бастап бағаның тұрақталғаны байқалды. Ал ішкі нарық отандық құрылыс материалдарымен 60%-ке қамтамасыз етілген. Алдағы екі жылда еліміде линолеум, түсқағаздар мен керамикалық плиткалар өндірісі іске қосылады.
Еске сала кетейік, жақында бағаның өсуі туралы болжамды Құрылысшылар одағының басшысы Талғат Ерғалиев айтқан еді. Ол құрылыстың 35-40%-ке қымбаттауына байланысты бастапқы нарықта шаршы метр құнының өсуі күтіліп отырғанын мәлімдеген. Ол бағаның өсуі 2022 жылдың көктемінде болуы мүмкін екенін болжады.