|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Баспана бағасы былтырғы қаңтармен салыстырғанда 8 процентке өсті. Оған зейнетақы қорындағы ақшаны алуға рұқсат берілуі себеп болып отыр.
Осы орайда, экономистер үйді баға тұрақталған соң алуға кеңес береді. Себебі баспана бағасының әлі де өсуі, тіпті жазда да қымбаттауы күтіліп отыр.
Мысалы, экономист Арман Байғанов: «Үйді келесі жылы алсаңыз да болады. Нарықта баға тұрақтанғанын күткен жөн. Мәселен, менің де жинағаным бар, бірақ биыл баспана аламын деген жоспарым жоқ. Өйткені баға әлі де өседі, сондықтан келесі жылды күтемін», – дейді.
Ал риэлторлық орталықтың директоры Ғалым Ысқақ Бірыңғай жинақтаушы зейнетақы қорынан ақша алу туралы өз пікірін білдірді. Оның айтуынша, бұл бастама халыққа ғана емес, банктер мен қор үшін де тиімді болып отыр. Өйткені соңғы кездері қорға деген сенім жоғалып, оған қаражат аудармайтындар саны артқан. Олардың басым бөлігі – жастар. Сондықтан мемлекеттің мерзімінен бұрын БЖЗҚ-дағы ақшаны жұмсауға рұқсат беруі халықты зейнетақы қорына ақшаны көптеп аударуға ниеттендіріп отыр дейді маман.
Ұлттық банк мәліметіне сәйкес, бүгінде зейнетақы қорынан ақша алуға 78 мың отандасымыздың өтінішіне оң жауап берілгенін айта кету керек. Олардың 90 проценті қаражатты үй мәселесіне бағыттамақ. Негізінен өтініш бергендер саны 115 мың адамнан асады. Бірақ олардың ішінде өтінішті қате толтырып, қаржысына қол жеткізе алмай жүргендер де бар.
Тағы көру
