|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Маңғыстау облысында заңсыз құмар ойын бизнесімен айналысқан ұйымдасқан қылмыстық топтың әрекеті әшкереленіп, екі автокөлік тәркіленді, – деп хабарлайды Dauletten.kz Қаржы мониторингі агенттігінің (ҚМА) мәліметіне сілтеме жасап.
ҚМА Маңғыстау облыстық департаменті 2022-2023 жылдары компьютерлік зал атын жамылып, заңсыз құмар ойындарын ұйымдастырған қылмыстық топтың жұмысын тоқтатты.
- Қатысушылар ақшалай ставкаларды банк аударымдары арқылы жасап, арнайы платформаларда тіркелген. Ойындарға кіру үшін логин, пароль және сілтеме берілген. Нәтижесінде қылмыстық топтың заңсыз жолмен тапқан табысы 77 миллион теңгеден асқан, – делінген ресми хабарламада.
Қаржылық тергеу барысында күдіктілердің заңсыз алынған қаражатқа 36 миллион теңгеге екі автокөлік – Toyota Land Cruiser және Mercedes-Benz 320 сатып алғаны анықталды.
- Сот үкімімен айыпталушылар ҚР ҚК 307-бабының 2-бөлігі 2-тармағы (заңсыз құмар ойын бизнесін ұйымдастыру) және 262-бабының 1-бөлігі, 2-бөлігі (ұйымдасқан қылмыстық топ құру, басқару және оған қатысу) бойынша кінәлі деп танылып, 5 жылдан 8 жылға дейін бас бостандығынан айырылды, – делінген хабарламада.
