|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Премьер-министр Олжас Бектеновтің "Ілгерілеуге бастаған алты жыл: Қазақстан орнықты даму жолында" мақаласында 2019 жылдан бері энергетика саласында атқарылған іргелі істерді шолып өтті, - деп хабарлайды Dauletten.kz.
Олжас Бектеновтің сөзінше, коммуналдық шаруашылық және энергетика саласындағы дағдарыстың ең ауыр кезеңі артта қалды.
- Президенттің басшылығымен еліміздің инфрақұрылымын ауқымды жаңғырту жұмыстары жүргізілуде. Ұзақ жылдар бойы жылу энергетикасы секторына тиісті көңіл бөлінбей келді: республика бойынша инфрақұрылымдық желілердің тозу деңгейі 65%-ға, ал жекелеген өңірлерде тіпті 90%-ға жетті. Қазір энергетика және коммуналдық салалардағы дағдарыстың ауыр кезеңін еңсере алдық. Бұл жұмыс жалғасады, - деп жазады ол мақалада.
Егер 2019 жылы жылу көздерінің орташа тозу деңгейі 71%-ға жетсе, қазір оны 61%-ға дейін төмендетуге мүмкіндік туды.
- Осыған орай Президент тапсырмасы бойынша ядролық энергетиканы дамыту қолға алынды. Бірінші АЭС құрылысының ауданы анықталды. Тағы екі станция салу үшін құрылыс орындарын анықтау жұмыстары басталды, - дейді Бектенов.
Айта кетейік, бұған дейін ұлттық құрылтайдың кезекті отырысында Тоқаев үш АЭС салу бастамасын қолдайтынын мәлімдеді.
