|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін инсульт салдарынан бірнеше апта бұрын комаға түскен белгілі қазақстандық журналист Диас Ахметшәріп қайтыс болды, - деп хабарлайды Dauletten.kz.
Бірнеше апта бұрын инсульт алып, комаға түскен белгілі қазақстандық журналист Диас Ахметшәріптің қайтыс болғаны жайлы Facebook парақшасында кәсіпкер Асқар Ұранхаев мәлімдеді.
- Науқас инсульт алып, миына қан құйылған. Жағдайы өте ауыр, қазіргі уақытта жансақтау бөлімінде жатыр, – деп хабарлаған болатын дәрігерлер.
Қазақстан Республикасы Мәдениет және спорт министрлігінің мәліметінше, Диас Ахметшәріп еңбек жолын 1997 жылы Қазақ радиосында тілші ретінде бастаған. Ол ұзақ уақыт бойы "Хабар", "Қазақстан" телеарналарында спорт журналисі болып жұмыс істеген. Сондай-ақ мемлекеттік "Қазспорт" телеарнасының директоры, Insport телеарнасының бас редакторы қызметтерін атқарған.
2023 жылдың қазан айында ҚР Мәдениет және спорт министрінің қоғаммен байланыс және БАҚ жөніндегі кеңесшісі болып тағайындалған. Сонымен қатар Диас Ахметшәріп спорт шолушысы әрі Қазақстан құрамасының баспасөз хатшысы ретінде де танымал.
