|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Пойызбен саяхаттай отырып, жолаушылар билеттің құнына кіретін тегін қызметтерді пайдалана алады, - деп хабарлайды Dauletten.kz.
Еліміздің пойыздарында қандай қызметтер тегін?
Ұзақ қашықтыққа жүретін пойыздарда жолаушыларға пойыз түріне байланысты бірнеше тегін қызметтер ұсынылады:
Тегін су
Стандартты пойыздарда жолаушыларға шай әзірлеуге арналған ыстық су беріледі. Ал "Тальго" пойыздарында жылы және салқын ауыз суы бар кулерлер орнатылған.
Гигиеналық құралдар
Ұлттық тасымалдаушының мәліметінше, әрбір дәретханада тегін гигиеналық құралдар, мысалы, дәретхана қағазы мен сабын қолжетімді.
Микротолқынды пеш
Компанияның айтуынша, стандартты пойыздарда тамақты жылытуға арналған микротолқынды пештер қарастырылған.
Мультимедиа порталына тегін қолжетімділік
- Барлық пойыздарда жолаушылар мультимедиа порталына тегін қол жеткізе алады. Онда фильмдер көріп, музыка тыңдап, аудиокітаптар мен электронды кітаптарды оқуға болады, бұл сапарды қызықтырақ етеді, – деп атап өтті баспасөз қызметі.
Жүк орны
Компания "Тальго" пойыздарында жолаушылар 25 килограмға дейінгі және ұзындығы, ені мен биіктігінің қосындысы 150 сантиметрден аспайтын жүкті тегін алып жүре алатынын еске салды.
- Стандартты пойыздарда рұқсат етілген қол жүгі салмағы 35 килограмға дейін, ал өлшемдері ұзындығы, ені мен биіктігінің қосындысы 200 сантиметрден аспауы керек, – деп хабарлады баспасөз қызметі.
Медициналық қобдиша
Ұлттық тасымалдаушының ережелеріне сәйкес, әрбір вагонда жолсеріктің жанында алғашқы медициналық көмек көрсетуге арналған дәрі қобдишасы болуы керек.
Маршрут пен кесте бойынша кеңес беру
Баспасөз қызметінің мәлімдеуінше, жолаушылар жолсеріктерден немесе пойыздарда орнатылған арнайы ақпараттық жүйелер арқылы маршрут, кесте және сапар ережелері туралы тегін ақпарат ала алады.
Тағы көру
