|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда «Тәуелсіздік ұрпақтары» грантын алу конкурсы басталды.
Бағдарлама жастар бастамаларын қолдауға бағытталған және 14 пен 35 жас аралығындағы Алматы тұрғындарына өз жобаларын іске асыруға 1 000 000 теңге алуға мүмкіндік береді.
Гранттар алты бағыт бойынша бөлінеді:
1. Ғылым: жас ғалымдар мен олардың зерттеулерін қолдау.
2. Мәдениет: мәдени мұраны сақтауға және насихаттауға бағытталған жобалар.
3. Ақпараттық технологиялар: цифрлық трансформация үшін жаңа IT шешімдерін әзірлеу.
4. Бизнес: стартаптар мен бизнес-бастамаларды қолдау.
5. Медиа: жас ұрпақ үшін сапалы контент жасау.
6. Волонтёрлік: әлеуметтік мәселелерді шешуге бағытталған бастамалар.
Ұйымдастырушылар атап өткендей, бұл грант жастарға өз идеяларын жүзеге асыруға және қала мен елдің дамуына үлес қосуға бірегей мүмкіндік береді.
«Біз жастарымыздан шығармашылық идеялар күтеміз. Бәріңізді гранттық конкурсқа қатысуға шақырамыз. Қатысушылардың бәріне шабыт, табыс және өз жобаларын табысты іске асыруды тілейміз», - деп толықтырды Жастар саясаты басқармасының жастарды әлеуметтендіру және Жастар бастамаларын қолдау бөлімінің басшысы Нұрсұлтан Беккайыров.
Өтінімдерді қабылдау 16 қыркүйекте басталып, 2024 жылдың 16 қазанына дейін жалғасады. Жеңімпаздар барлық өтінімдерді тексергеннен кейін 15 жұмыс күні ішінде анықталады.
Өтінімдер generationala.kz сайты арқылы қабылданады, сұрақтар туындаған кезде +7 (776) 844-12-02, +7 (776) 829-78-41 телефон нөмірлеріне хабарласу қажет.
