|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көпбалалы отбасыларға жаңа салық жеңілдіктері енгізілді, - деп хабарлайды Dauletten.kz.
2025 жылдан бастап Қазақстанда көпбалалы отбасылардың табысын салықтан босатуға мүмкіндік беретін жаңа жеңілдіктер күшіне енді. Жылына 282 АЕК-ке дейінгі (1 108 824 теңге) салық шегерімі енгізіліп, ата-аналардың екеуіне де қолданылады.
Мәселен, бір ата-анаға ай сайын 23 АЕК (90 436 теңге), ал екеуіне 12 АЕК-тен (47 184 теңге) жеңілдік қарастырылған. Бұл төрт немесе одан да көп кәмелетке толмаған балалары бар отбасыларға арналған. Осылайша, осы жылы мұндай отбасылар орташа есеппен 90 мың теңгеге жуық табысын салықтан босата алады.
Салық кодексінің 342-бабына сәйкес, жаңа шегерімдер міндетті зейнетақы аударымдары, әлеуметтік медициналық сақтандыру жарналары және басқа да жеңілдіктермен бірге қолданылуы мүмкін. Жалпы, шегерімдердің сомасы жылына 564 АЕК-ке дейін (2 217 648 теңге) жетуі ықтимал.
Сонымен қатар дәрі-дәрмекке және 18 жасқа дейінгі балалардың шығындарына да қосымша салық шегерімдері енгізіледі. Сарапшылардың пікірінше, барлық құжат дұрыс рәсімделген жағдайда, көпбалалы отбасылар салық шығындарын едәуір азайта алады.
Тағы көру
