Жаңалықтар

Бірыңғай уақыт белдеуіне көшуге байланысты eGov.kz уақытша жұмыс істемейді

27.02.2024

1 мин

0

254

Фото: priyatnayapokupka.ru

2024 жылдың 29 ақпанында сағат 22:00-ден 2024 жылдың 1 наурызында сағат 02:00-ге дейін eGov.kz порталы жұмыс істемейді, деп хабарлайды Dauletten.kz.

«Ұлттық ақпараттық технологиялар» АҚ мәліметінше, бірыңғай UTC +05.00 уақыт белдеуіне көшуге байланысты аталған уақыт аралығында техникалық жұмыстар жүргізіледі.

Осы уақыт аралығында келесі жобалар:

• eGov.kz порталы және оның құрамдас бөліктері;
• egov mobile мобильді қосымшасы;
• «Е-нотариат» бірыңғай нотариаттық ақпараттық жүйесі;
• «Техникалық бақылау» бірыңғай ақпараттық жүйесі;
• «e-Otinish» электрондық өтініштер қызметі;
• «Ұлттық ақпараттық технологиялар» АҚ жүргізетін басқа да ақпараттық жүйелер мен мемлекеттік дерекқорлар үшін қысқамерзімді қолжетімсіз болуы мүмкін.

Еске сала кетсек, Қазақстан Республикасының бүкіл аумағына 5-ші уақыт белдеуі (UTC+5) қолданылады.