|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сенат депутаты түрмедегі Бишімбаевты көрсетуге қатысты пікір білдірді, - деп хабарлайды Dauletten.kz.
Сенат депутаты Марат Қожаев түрмеде жазасын өтеп жатқан Қуандық Бишімбаевтың неге жұртшылыққа көрсетілмейтініне қатысты пікір білдірді. Қожаев бұл мәселені азаматтардың құқықтарын қорғаумен байланысты екенін атап өтті. Оның сөзінше, жазасын өтеп жатқан азаматтың да жеке құқықтары бар, оны күшпен көрсетуге болмайды.
– Бұл хайуанаттар бағы емес. Тіпті жазасын өтеп жатқан адамның да құқығы бар. Егер ол көрінгісі келмесе, оны мәжбүрлей алмаймыз. Ресми тұлғаларға сену керек. Бишімбаев Степногорскідегі қауіпсіздігі жоғары мекемеде жазасын өтеп жатыр, – деді Марат Қожаев.
Депутаттың бұл мәлімдемесі Қуандық Бишімбаевтың қашып кеткені туралы тараған ақпаратқа жауап ретінде айтылды. Бұған дейін әлеуметтік желілер мен бірқатар БАҚ-та бұрынғы ұлттық экономика министрі әйелін қатыгездікпен өлтіргені үшін 24 жылға сотталған Бишімбаевтың түрмеден қашып кеткені туралы хабар тарап кеткен еді.
Қылмыстық-атқару жүйесі комитеті (ҚАЖК) бұл ақпаратты жоққа шығарып, Бишімбаевтың түрмеден қашпағанын мәлімдеді. Ал жалған ақпарат таратқандарға қатысты Қылмыстық кодекстің 274-Бабы (жалған ақпарат тарату) бойынша қылмыстық іс қозғалғаны хабарланды.
Қазіргі таңда Бишімбаевтың қайда екені туралы ресми мәліметтер ҚАЖК тарапынан жарияланып, оның қауіпсіздік жоғары мекемеде жазасын өтеп жатқаны расталды.
