|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қайырымдылық қоры Қонаев қаласынан 5 балалы жалғызбасты анаға 102 шаршы метр үйдің кілтін табыстады. Бұл мұқтаж жандарға сыйланған алпысыншы баспана, деп хабарлайды Dauletten.kz
Тағдыр тауқыметіне бала кезінен ұшыраған Агата Тоқтамысқызы жастайынан ата-анасынан айырылып, әпкесінің қамқорлығында өскен. Сондықтан татулығы берік, бақытты отбасын құруды армандағанымен күйеуімен ажырасып, 5 баласымен жалғыз қалған. Отбасы бұған дейін 5 баласымен 1 бөлмелі саяжайды жалдап келген еді. Балаларының алды 17-де, ал кенжесі 4 жаста. Оларды асырау үшін кейіпкеріміз Алматыға қатынап нәпәқа тапқан.
Міне, дәулетті, әрі жанашыр оқырманның арқасында жалғызбасты ана кең сарайдай шаңырақтың иесі атанды.
Агата Тоқтасынқызына Қонаев қаласынан 20 млн 300 мың теңгеге 4 бөлмелі, 102 шаршы метр үй сыйланды. Оның 5 сотық жері, кең ауласы бар. Сондай-ақ қайырымды жандардың көмегімен тұрмысқа қажетті газ плита, шәйнек, шаңсорғыш тарту етілді. Үй толық жиһазбен жабдықталған.
