|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде ғалымдар мен ғылыми қызметкерлердің мәртебесі заң жүзінде бекітіледі, – деп хабарлайды Dauletten.kz.
Мәжіліс ғылым саласындағы ғылыми-техникалық қызметті жетілдіруге бағытталған депутаттық түзетулерді бірінші оқылымда мақұлдады. Енді заң жобасында ғалымдар мен ғылыми қызметкерлердің мәртебесі айқындалмақ. Ғылыми қызметкерлердің құқықтары мен бостандықтарын қорғау, академиялық еркіндікке кепілдік беру, шығармашылық еркіндігі, сондай-ақ ғылыми қызметінің бағыттарын жоспарлау және айқындау мүмкіндігі қарастырылған.
Ұжымдық қолданыстағы ғылыми зертханалардың инфрақұрылымына қолжетімділікті реттейтін нақты жүйе бекітіледі. Бұдан бөлек, мемлекеттік тапсырыс шеңберінде сатып алынған ғылыми құрал-жабдықтарды барлық ғылыми қызметкерлердің пайдалануын қамтамасыз ететін арнайы механизм әзірленеді.
Аталған өзгерістер нәтижесінде пәндік олимпиадалар мен ғылыми жобаларға қатысып жүрген, ұлттық құрама сапына енген, ғылыммен жүйелі түрде айналысатын дарынды оқушылар да мемлекеттік жоғары оқу орындарының зертханаларын ақысыз негізде пайдалана алады.
