|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
13 қаңтар Қазақстанда қаңтар айындағы Біріңғай ұлттық тестілеу басталды, ол 10 ақпанға дейін жалғасады, - деп хабарлайды Dauletten.kz.
Министрліктің мәліметнше, 167 мыңға жуық адам ҰБТ-ға қатысуға өтініш берді. Олардың 76,7%-ы қазақ тілінде, 23,2%-ы орыс тілінде, 142 адам ағылшын тілінде тестілеуден өтуге өтініш жіберген. Қаңтар айындағы ҰБТ-ның бірінші күні ғылым және жоғары білім министрі Саят Нұрбек Астанадағы тестілеу орталықтарының бірін аралады.
- Талапкерлер өтініш беру барысында тестілеу күнін, уақытын және пунктін өздері таңдады. Тестілеудің бірінші күні еліміз бойынша 2277 адам, оның ішінде елордада 155 талапкер ҰБТ тапсырады. Ең көп таңдалатын бейіндік пәндер комбинациясы бірнеше жыл қатарынан өзгеріссіз қалып отыр. Талапкерлердің 17,5%-ы "Математика-Физика" комбинациясын таңдаған. Яғни, бұл болашақ инженерлер, механиктер, мұғалімдер, техниктер мен технологтар, энергетиктер, құрылысшылар. Ал 17,3%-ы "Биология-Химия", 10,3%-ы "Математика-Информатика" пәндерін таңдады, сәйкесінше болашақ медицина қызметкерлері мен IT мамандары", - деді министр Саясат Нұрбек.
Жалпы, Ұлттық бірыңғай тестілеудің құрылымы өзгеріссіз сақталады: үш міндетті және екі таңдау пәні болады. Тест тапсырмаларының жалпы саны 120-ны құрайды, оның ішінде «Қазақстан тарихы» бойынша 20 тапсырма, «Оқу сауаттылығы» бойынша 10 тапсырма, «Математикалық сауаттылық» бойынша 10 тапсырма және екі бейіндік пән бойынша 40 тапсырма бар. Жоғары балл - 140.
Тестілеуге арналған уақыт – 4 сағат (240 минут), бірақ ерекше білім беру қажеттіліктері бар балаларға қосымша 40 минут уақыт беріледі.
