Жаңалықтар

Интернетте қауіпсіздік шараларын сақтау: Атырауда волонтерлар ерекше акция өткізіп жатыр

07.10.2024

1 мин

0

62

Атырауда "Жайық жалындары" жас волонтерлар клубының бастамасымен ерекше акция өткізіліп жатыр, - деп хабарлайды Dauletten.kz.

 Волонтерлар тұрғындарға түрлі сайттарды, әлеуметтік желілерді, банк есепшоттарын дұрыс пайдалану және оларды тіркемеу жөнінде ақпараттар беріп жатыр.

Интернетте қауіпсіздік шараларын сақтау – сіздің жеке және қаржылық ақпараттарыңызды қорғаудың маңызды қадамдары. Түрлі интернет сайттарына банк есепшоттарын тіркемес бұрын төмендегі кеңестерді ұстаныңыз:

• Интернет сайттардың сенімділігі мен қауіпсіздігіне көз жеткізіңіз. Қауіпсіз сайттар әдетте “https://“ префиксімен басталады.
• Белгісіз немесе күмәнді сайттарға банк есепшоттарын тіркемеңіз.

Банк деректерін аз пайдалану:

• Мүмкіндігінше, интернет сайттарда банк деректерін пайдаланбаңыз. Оның орнына, электронды әмияндар (мысалы, PayPal) немесе бір реттік виртуалды карталар қолданыңыз.
• Көпшілікке танымал емес немесе аз белгілі сайттарда банк деректерін тіркемеу ұсынылады.

- Интернетте банк есепшоттарын тіркеу әрдайым қауіпсіздік шараларын талап етеді. Жеке және қаржылық ақпараттарды қорғау үшін сенімділік, қауіпсіздік және абай болу қағидаттарын ұстану маңызды. Қауіпсіздікті қамтамасыз ету арқылы сіз өзіңіздің деректеріңізді қорғап, интернеттегі қауіп-қатерлерден сақтанасыз, - делінген хабарламада.

Жоба Атырау қалалық ішкі саясат бөлімінің қолдауымен, "Азаматтық бастамаларды қолдау орталығы" КЕАҚ гранты негізінде "Ой бренд" қоғамдық қорының "Волонтерлар мен волонтерлік бірлестіктерді қолдауға бағытталған "Birgemiz: is-qimyl kezeni" жобасы шеңберінде іске асырылып жатыр.