|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысында алаяқтық арқылы 110 миллион теңге тапқан Қаскелең қаласының 47 жастағы тұрғынына қатысты сот үкімі шықты, – деп хабарлайды Dauletten.kz Polisia.kz.
Анықталғандай, ер адам өзін әкімдік қызметкері ретінде таныстырып, аз қамтылған отбасыларға арналған мемлекеттік ипотекалық бағдарлама арқылы төмен пайызбен баспана алып беремін деп сендірген. Ол азаматтарға пәтерді небәрі 2-3 ай ішінде рәсімдеп беремін деп уәде берген.
Нәтижесінде, ол 47 азаматты алдап, барлығы 110 миллион теңге көлемінде заңсыз пайда көрген. Жоғары білімі бар күдікті ресми түрде еш жерде жұмыс істемеген.
Бірнеше ай бойы уәде етілген пәтер берілмеген соң, жәбірленушілер полицияға жүгінді. Жүргізілген жедел-тергеу шаралары барысында полицейлер күдіктінің алаяқтық әрекетін толық дәлелдеді.
Сот үкімімен ол 4 жыл 8 ай мерзімге бас бостандығынан айырылды. Сонымен қатар, ол жәбірленушілерге сотқа дейін қайтарылмаған 75 миллион теңгені өтеуге және сот шығындарын төлеуге міндеттелді.
Полиция азаматтарға белгісіз адамдардың "жеңілдетілген шарттармен пәтер алып беремін" деген уәделеріне сенбеуге және сақ болуға кеңес береді.
