Жаңалықтар

Каспий қасіреті: Еркін Оқасов қаза болған әскерилердің отбасыларына 300 млн теңге бөлді

25.09.2026

мин

0

268

Маңғыстау облысында өткен әскери оқу-жаттығу кезінде қаза тапқан әскери қызметшілердің отбасыларына қолдау көрсету бастамасына Қазақстан күрес федерациясының төрағасы Еркін Оқасов та қосылды, - деп хабарлайды Dauletten.kz.

Еркін Қадырғалиұлы қара жамылған отбасыларға жалпы сомасы 300 миллион теңге көлемінде көмек көрсетті. Бұл қолдау қаза тапқан әскери қызметшілердің отбасыларына бағытталды.

- Бұл қайғы бәрімізге ортақ. Ел алдындағы міндетін атқарып жүрген азаматтарымыздан айырылдық. Қазір олардың отбасылары үшін өте ауыр кезең. Осындай кезде көңіл айтып қана қоймай, қолдан келгенше нақты қолдау көрсету маңызды деп есептеймін. Қаза тапқан азаматтардың туған-туыстары мен жақындарына қайғырып көңіл айтамын. Марқұмдардың жаны жәннатта болсын, – деді Еркін Оқасов.

Айта кетсек, Маңғыстау облысындағы қайғылы оқиғаға байланысты 25 қыркүйек Қазақстанда Жалпыұлттық аза тұту күні болып жарияланған еді.. 

Қазақстан күрес федерациясы қаза тапқан әскери қызметшілердің отбасылары мен жақындарының қайғыларына ортақтасады.