|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлемдік нарықта бір биткоин 40 мың долларға бағаланып, рекордтық деңгейге жетті,- деп хабарлайды «Хабар 24».
Криптовалютаға деген сұраныс күннен күнге артып барады. Баға әлі де өсуі мүмкін деген болжамдар айтылып жатыр. Қазір қаржыгерлердің биткоинға қатысты болжамдары жаман емес. Бірақ тәуекел деп, тапқан таянғанды салуға тағы болмайтынын ескертеді.
Кеше криптовалюта нарығында биткоин бірден 15 процентке қымбаттап, құны 40 мың АҚШ долларынан да асып түсті. Осылайша желтоқсаннан бері екі есе қымбаттады. Өткен жылдың соңғы айында биткоин алғаш рет 20 мың долларды бағындырып, өсім көрсеткен. Содан бері тұрақты түрде жоғарылап келеді.
Бұл жұрттың криптовалютаға деген қызығушылығын арттырып, сұранысын көбейтті. Отандық экономист Мақсат Халықтың айтуынша, осы үрдіс жылдың алғашқы бөлігінде де сақталуы мүмкін. Ал екінші жартысында қайтадан құлдырауы ғажап емес. Яғни құны тез қымбаттап, тез арзандайды.
Сондықтан бір сәтте пайда табуың да тақырға отыруың да мүмкін. Айта кетейік, әлемдегі криптовалютаның 70 проценттейі биткоиннің үлесінде. Оның нарықтағы жалпы сомасы триллион доллардан асқан.
