|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елде коронавирусқа байланысты жағдай саябырласа да, арқаны кеңге салуға әлі ерте. Оған себеп – Еуропа мен Азия елдерінде індеттің қайта өршуі.
Денсаулық сақтау министрі Алексей Цой Үкімет отырысында шілденің басынан ауруханалардағы төсек орын жүктемесі және коронавирус індеті бойынша жедел жәрдем шақыру деңгейі 5-6 есе шамасында төмендегенін мәлімдеді. Дегенмен Италия, Австрия, Испания, Германия, Оңтүстік Корея, Түркия елдерінде науқастар санының артуы байқалады. Сондықтан демалыс күндеріндегі шектеулер күшінде қалатын болды.
Сонымен қатар күн суығанда өршитін ЖРВИ мен тұмауға ілесіп басталуы мүмкін індеттің алдын алу шаралары қарқынды жүргізілуде. Төсек орындар санын 55 мыңға жуықтату көзделген, шетелдік және отандық компаниялардан өкпеге арналған аппараттар және жедел жәрдемге арналған санитариялық автокөліктер алынбақ. Сондай-ақ екі айға жететін дәрі-дәрмек қоры дайындалып, ПТР-тесттен өтудің тәуліктік мөлшері жыл соңына дейін 63 мыңға жеткізілмек.
