Жаңалықтар

LRT ісі бойынша мемлекетке құны бір миллиард теңгеге жуық нысандар мен жер телімдері қайтарылды

08.04.2025

1 мин

0

280

Сурет: kaztag.kz

LRT ісіне қатысты мемлекетке шамамен бір миллиард теңге тұратын нысандар мен жер телімдері қайтарылды, - деп хабарлайды Dauletten.kz.

Астана қаласының прокуратурасы бұл іске байланысты сот шешімдерінің орындалу барысын тексеріп, мемлекетке жалпы құны 920 миллион теңге болатын активтер қайтарылғанын анықтады.

Прокуратура таратқан деректерге сәйкес, “City Transportation Systems” ЖШС-не (бұрынғы “Astana LRT”) қатысты, жалғыз құрылтайшысы мемлекет, соның ішінде Астана әкімдігі болып табылатын сот актілерінің орындалуына талдау жүргізілген. Қадағалау шаралары нәтижесінде борышкерлер мемлекет меншігіне 40 жылжымайтын мүлік объектісін өткізді. Олардың қатарында:

• 39 тұрғын емес ғимарат;
• Жалпы аумағы 12,8 гектар болатын, темір жолы бар асфальт-бетон зауытына қызмет көрсетуге арналған жер телімі бар.

Қайтарылған активтердің жалпы нарықтық құны 920 миллион теңгені құрайды. Бұған қоса, қазіргі таңда мемлекет пайдасына құны 615 миллион теңге болатын тағы 37 мүлікті өндіріп алу шаралары жүргізіліп жатыр. Бұл бағыттағы жұмыс жалғасуда.