|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Маңғыстауда маңызды теміржол желілері мемлекетке қайтарылады, - деп хабарлайды Dauletten.kz.
"Каскор-Транссервис" АҚ-ның Маңғышлақ станциясынан Ақтау теңіз портына дейінгі магистральдық теміржол жолдарына заңсыз иелік етеді.
Бұл туралы ҚР Бас прокуратурасының баспасөз қызметі мәлімдеді.
Бас көлік прокуратурасы жеке компанияның Маңғышлақ станциясынан Ақтау теңіз портына дейінгі магистральдық теміржол жолдарын иелену фактісін анықтады. Қолданыстағы заңнамаға сәйкес магистральдық теміржол жолдары мемлекет меншігінде болуы керек. Аталған объектілердің стратегиялық маңыздылығын және оларды мемлекет меншігіне қайтару қажеттігін ескере отырып, прокуратураның қадағалау актісі бойынша көлік министрлігі сотқа талап арызбен жүгінді. Маңғыстау облысының мамандандырылған ауданаралық экономикалық сотының 14.03.2025 жылғы шешімімен талап арыз толық көлемде қанағаттандырылды. Бұл шешім Қазақстанның көлік инфрақұрылымының тұрақты дамуын қамтамасыз етудегі маңызды қадам болып табылады және мемлекеттің темір жол желісінің негізгі объектілерін бақылауына кепілдік береді, – делінген прокуратура хабарламасында.
