|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Маңғыстау облысының прокуратурасы "Маңғыстаумұнайгаз" АҚ-ның ағынды суларды жер қойнауына жіберуі және бұрғылау қалдықтарын тиісті шектеусіз жинауы сияқты заң бұзушылықтарды анықтады, - деп хабарлайды Dauletten.kz.
Прокуратура қабылдаған шаралардың нәтижесінде, 2024 жылдың 4 желтоқсанында сот компанияны Әкімшілік құқық бұзушылық туралы кодекстің 328-бабы бойынша әкімшілік жауапқа тартып, 31 миллиард теңге айыппұл салды. Соттың шешімі заңды күшіне енді.
Сонымен қатар, мұнай жылыту пештерінен зиянды заттардың шамадан тыс шығарылғаны анықталды. Осы құқық бұзушылық бойынша, 2023 жылдың 11 желтоқсанында компания тағы да әкімшілік жауапқа тартылып, 1,2 миллиард теңге айыппұл төлеуге міндеттелді.
Бұған дейін, 12 қаңтарда "Бозащы мұнай" компаниясы ұзақ уақытқа созылған өрт салдарынан мемлекетке келтірілген 2 миллиард теңге экономикалық шығынды өтейтінін мәлімдеген болатын.
Маңғыстау облыстық прокуратурасының мәліметінше, табиғат қорғау прокурорлары "БузачиНефть" ЖШС-нің газды жағу салдарынан мемлекетке келтірілген 2,2 миллиард теңге залалды өтеуін қамтамасыз еткен.
Ал 2023 жылдың маусым айының басында "Қаратұрын Оңтүстік" кен орнында ұңғыма бұрғылау кезінде газ-су қоспасы атқылап, арты өртке ұласқан болатын. Бұл апатты толық жоюға шамамен алты ай уақыт кеткен.
