Жаңалықтар

Елордада ауыр жүк көліктері жаппай тексеріліп жатыр

29.04.2026

мин

0

120

Сурет: 7kun.kz

Астанада жүк көліктеріне бақылау күшейіп, жүздеген заңбұзушылық анықталды, — деп хабарлайды Dauletten.kz. 

Астанада ауыр жүк көліктеріне қатысты бақылау шаралары күшейтілді. 1 сәуірден бастап Көлік министрлігі, полиция және қала әкімдігі бірлесіп рейдтер жүргізіп жатыр. Негізгі назар инертті материал тасымалдайтын көліктердің салмақтық талаптарды сақтауына аударылған.

Тексеру жұмыстары қалаға кіреберістерде және құрылыс жүктері жиі тасымалданатын аумақтарда өтуде. Қазіргі уақытта 6 жылжымалы бақылау бекеті жұмыс істеп тұр, сондай-ақ өңірлерден қосымша инспекторлар тартылған.

Рейд барысында 600-ден астам көлік тексеріліп, 300-ден аса заңбұзушылық анықталған. Оның ішінде артық жүк тиеу фактілері бар. Жалпы сомасы 90 миллион теңгеден асатын айыппұл салынды.

Бұл шаралар жол сапасын сақтау және қозғалыс қауіпсіздігін арттыру мақсатында қолға алынған.