Жаңалықтар

Мектептерге жасанды интеллект енгізу туралы жарлық күшіне енді

13.05.2026

мин

0

67

Сурет: El.kz

Білім беру жүйесіне ЖИ енгізу туралы жарлық күшіне енді, — деп хабарлайды Dauletten.kz.

Қазақстанда мектептерге жасанды интеллектті кезең-кезеңімен енгізуді көздейтін Президент жарлығы күшіне енді. Құжат 2026–2029 жылдары орта білім беру жүйесінде ЖИ технологияларын кеңінен қолдануды қарастырады.

Жарлыққа сәйкес, Үкіметке бірқатар нақты міндеттер жүктелген. Атап айтқанда, 1 шілдеге дейін жасанды интеллектті енгізудің кешенді жоспарын бекіту, 1 маусымға дейін Ли Кай-Фу ұсынымдары негізінде пилоттық жобаны іске қосу, 1 тамызға дейін мектептерді жоғары жылдамдықтағы интернетпен қамтамасыз ету және 1 қыркүйекке дейін ЖИ қолдану стандарттарын енгізу тапсырылды.

Құжатта жасанды интеллект мұғалімдерді алмастырмайтыны, тек оқу процесінде қосымша құрал ретінде қолданылатыны атап өтілген. Сонымен қатар оқушылардың дербес деректерін қорғау және академиялық адалдық талаптарын күшейту қарастырылған.

Бұдан бөлек, Астана, Алматы және Шымкент қалаларының, сондай-ақ облыс әкімдіктерінің 1 тамызға дейін өңірлік жоспарларды бекітуі қажет екені көрсетілген.