|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Қасым-Жомарт Тоқаев Қаржылық мониторинг агенттігінің төрағасы Жанат Элимановты қабылдады. Кездесуде Агенттік қызметінің негізгі нәтижелері мен алдағы жоспарлары талқыланды, - деп хабарлайды Dauletten.kz.
Жанат Элимановтың мәліметінше, қаржы жүйесін заңсыз әрекеттерден қорғау бойынша бірқатар ауқымды жұмыстар атқарылған:
• 24 млрд теңгеден астам қаржыны қолма-қол ақшаға айналдырған жалған компаниялар әшкереленді;
• 20 заңсыз криптобиржа қызметі тоқтатылды,соның ішінде ТМД аумағындағы ең ірі криптосервис жойылды. Нәтижесінде 9,7 млн АҚШ долларына тең виртуалды активтер бұғатталды;
• Агенттік 720 қылмыстық істі тергеуді аяқтап, 15 ұйымдасқан қылмыстық топты, оның ішінде 3 трансұлттық топты жойды;
• 17,1 млрд теңге көлемінде мұнай өнімдерін заңсыз шығару әрекетіне тосқауыл қойылды,заңсыз темекі мен алкоголь өнімдерін дайындаған 18 жасырын цех әшкереленді;
• Көлеңкелі айналымнан 12 млрд теңгеге бағаланған вейптер алынды;
• Бюджет қаржысын мақсатсыз жұмсаудың 164 млрд теңге болатын 63 дерегіжәне ауыл шаруашылығындағы 11 млрд теңге субсидияның тиімсіз игерілуіанықталды;
• БЖЗҚ-дан 200 млрд теңге көлемінде қаражатты жалған стоматологиялық қызмет көрсету арқылы шығару фактілері тіркелді.
Агенттік азаматтардың қаржылық мүдделерін қорғау бағытында да жұмыстар жүргізуде. Атап айтқанда:
• Заңсыз микронесие беру бойынша 23 іс қозғалды (шығыны – 71 млрд теңге);
• 300 мыңнан аса қарыз алушының берешегін қайтару және есептен шығару жұмыстары атқарылуда;
• 112 мыңнан астам азаматты тартқан 45 қаржы пирамидасы таратылды;
• Құмар ойындар мен алаяқтық жобаларға қатысты 31,5 мың сайт пен сілтеме бұғатталды.
Мемлекет басшысы ведомствоның негізгі бағыттары бойынша бірқатар нақты тапсырма берді.
