|
|
|
| Товарные рынки | ||
| BID | ASK | |
| Brent | 0.00 | 100.48 |
| Лайт | 0.00 | 96.05 |
| Данные на 14:40 мск | ||
Оқулықтарды жиі өзгертуден ел экономикасына 16 млрд теңге шығын келді, - деп хабарлайды Dauletten.kz.
Жоғары аудиторлық палата орта білім беру саласына мемлекеттік аудит жүргізген. 2019 жылдан басталған аудит нәтижелері бойынша, саладағы стратегиялық құжаттардың жиі өзгеруі бұрынғы жобалардың аяқталмай қалуына себеп болған. Бұл білім беру саясатының тұрақтылығы мен сабақтастығының болмауына алып келді, деп атап өтті аудиторлар.
– Білім беру стандарттары саласындағы реформалар жүйелі жүргізілмейді. Оқу жоспарларындағы жиі өзгерістер шығарылып қойған оқулықтарды қайта қарауға және бюджеттің тиімсіз шығыстарына әкеледі. Соңғы 5 жылда оқулықтарды қайта қарау салдарынан экономикалық шығындар 16 млрд теңгеден асқан. Оқулықтардың сапасын сараптау мен бақылауда кемшіліктер анықталды. 5 жыл ішінде бағалау өлшемшарттары 12 рет өзгерген, бұл орнықты бағалау жүйесінің жоқ екенін көрсетеді. Мемлекеттік көрсетілетін қызметтерді бақылау ақпараттық жүйесі арқылы сараптама тәртібі іске асырылмаған, рәсімдер қағаз жүзінде жүргізіледі, - делінген хабарламада.
