|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекет басшысы Қасым-Жомарт Тоқаев Қазақстан Республикасы Конституциясының 30 жылдығына орай ұйымдастырылған "Конституция және мемлекеттілік: құқық пен болашақ диалогы" атты ғылыми-практикалық конференцияда баяндама жасады, - деп хабарлайды Dauletten.kz.
Президенттің айтуынша, осыдан 30 жыл бұрын бүкілхалықтық референдум арқылы қабылданған Конституция егемен еліміздің тағдырындағы тарихи сәт болды.
- Ата заңнан биік ештеңе жоқ. Конституция – мемлекеттігіміздің мызғымас тұғыры, Тәуелсіздігіміздің айнымас темірқазығы, – деді Қасым-Жомарт Тоқаев.
Мемлекет басшысы қазақ халқының заңға құрметпен қарағанын атап өтті. Ол Қасым ханның қасқа жолы, Есім ханның ескі жолы, Әз Тәукенің Жеті жарғысы – дала заңдарының айқын көрінісі болғанын еске салды.
- Жұртымыз дала заңынан қазіргі Ата заңына дейін тарихи жолдан өтті. Өткен ғасырдың басында қазақ зиялылары бұл іске елеулі үлес қосты. Кеңес дәуірінде құқықтық іргетас қаланып, білікті заңгерлер шоғыры қалыптасты, – деді Президент.
