Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Биыл қаңтарда ел тұрғындары екінші деңгейлі банктерден және жекелеген банктік емес айырбастау бөлімдерінен жиыны 111,5 кг болатын 2 414 құйма сатып алды, деп хабарлайды Dauletten.kz Ұлттық Банкке сілтеме жасап.
Ұлттық Банк халыққа тазартылған алтын құймаларды сату және сатып алу бағдарламасын 2017 жылы қолға алған болатын. Бағдарлама жүзеге асырыла бастағаннан бері жалпы салмағы 1,68 тонна 44 993 алтын құйма сатылды.
Алтын құймалардың бес түрі ұсынылған: 5, 10, 20, 50 және 100 г. Тазартылған алтын құймаларды сату және сатып алу бағдарламасы іске асырылғалы халық арасында ең көп сұранысқа ие болғаны – 10 г. құйма.
Жалпы сатылымдағы оның үлесі 26% – 11 654 дана. Одан кейін 100 г. құйма – 10 572 дана (23%) және 20 грамм – 10 123 дана (22%), 5 грамм – 7 177 дана (16%), 50 грамм – 5 467 дана (12%). Негізінен өлшенген құймалар Алматы, Нұр-Сұлтан және Атырау қалаларында сұранысқа ие.
Қазіргі уақытта алтын құймаларды Halyk Bank-те, Еуразиялық банкте, Jýsan Bank-те, Банк ЦентрКредитте, сондай-ақ банктік емес айырбастау пункттерінде сатып алуға және сатуға болады.