|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қарағандыда университет жатақханасындағы өрт салдарынан 10 студент ауруханаға түсті, - деп хабарлайды Dauletten.kz.
2 сәуірге қараған түні Е.А. Бөкетов атындағы Қарағанды университетінің тоғыз қабатты жатақханасында өрт шыққан. Өңірдің ТЖД баспасөз қызметі мәліметінше, ғимараттың бірінші қабатындағы қоқыс жәшігінде, 1,5 шаршы метр аумақта қоқыс жанған.
- ТЖД жатақханадан төрт адамды құтқарды. Құтқарушылардың үйлесімді әрекетінің арқасында өрт 19 минут ішінде сөндірілді. Алдын ала болжам бойынша өрттің себебі - ашық от көзі, – деді ТЖД өкілі.
Оқиға салдарынан зардап шеккендер бар. 10 студент Мақажанов атындағы ауруханаға және облыстық балалар клиникалық ауруханасына толық тексеріс үшін жеткізілген.
- Олардың ауруханаға түскен кездегі жағдайы тұрақты деп бағаланды. Қосымша тексеріс жүргізіліп жатыр, содан кейін амбулаториялық ем тағайындалады, – деді Қарағанды облыстық денсаулық сақтау басқармасының баспасөз қызметі өкілі.
