Жаңалықтар

Қазақстан ауруханаларына маймыл шешегінің таралуына қарсы дайындық шараларын қабылдау тапсырылды

13.12.2024

1 мин

0

359

Сурет: Фотобанк Лори

Қазақстан ауруханаларына маймыл шешегінің таралуына қарсы дайындық шараларын қабылдау тапсырылды. Бас санитарлық дәрігер бұл бағыттағы алдын алу шараларын реттейтін қаулыға қол қойды, деп хабарлайды Dauletten.kz.

Құжатта маймыл шешегіне қарсы санитарлық-профилактикалық шаралар қарастырылған. Барлық өңірлердегі жергілікті атқарушы және денсаулық сақтау органдарына мынадай міндеттер жүктелді:

• Денсаулық сақтау ұйымдарының медицина қызметкерлеріне маймыл шешегіне күдікті адамдарды анықтау, эпидемиологиялық деректер жинау, оқшаулау, емдеу, байланыста болғандарды бақылау бойынша білім беру;
• Инфекциялық стационарларды күдікті науқастарды қабылдауға дайындау;
• Маймыл шешегіне күдікті науқастарды диагностикалау және тасымалдау шараларын ұйымдастыру;
• Аурудың әрбір жағдайы немесе күдікті оқиғасы туралы жедел хабарлама беру;
• Науқастардан зертханалық зерттеуге материал жинау және жіберу;
• Науқастарды анықтау, емдеу және емдеу кезінде биологиялық қауіпсіздік талаптарын сақтау;
• Жеке қорғаныш құралдары мен қажетті дәрілік және дезинфекциялық заттардың қорын қамтамасыз ету;
• Ауру тіркелген жағдайда ден қоюға дайындық бойынша оқу-жаттығулар өткізу;
• Соңғы 21 күн ішінде эндемиялық елдерден келген адамдарды бақылау;
• Халықты аурудың алдын алу шаралары туралы ақпараттандыру.

Көлік министрлігіне халықаралық әуежайларда дене қызуы жоғары адамдарды анықтау үшін байланыссыз температура өлшеу жүйесін орнату тапсырылды. Сонымен қатар, көлік саласында келесі міндеттер қойылды:

• Әр рейстен кейін көлік құралдарын дезинфекциялау;
• Жолаушыларға қызмет көрсететін орындарда алдын алу шараларын жүргізу;
• Ауруға күдікті жолаушылар туралы ақпарат алған жағдайда, мемлекеттік органдар мен қызметтерге хабарлау;
• Науқасты басқа жолаушылармен байланыссыз түрде ауруханаға жеткізуді ұйымдастыру.

Маймыл шешегінің таралуына жол бермеу шаралары ІІМ, Ғылым министрлігі, Шекара қызметі және басқа да мемлекеттік органдарға да тапсырылды. Құжаттың толық мәтіні Санитариялық-эпидемиологиялық бақылау комитетінің сайтында жарияланған.