Жаңалықтар

Қазақстан мен Кения: жоғары деңгейдегі келіссөздер басталды

20.05.2026

мин

0

94

Сурет: Ақорда

Астанада Қазақстан мен Кения арасындағы саяси және экономикалық ынтымақтастықты кеңейтуге бағытталған жоғары деңгейдегі келіссөздер өтті, — деп хабарлайды Dauletten.kz. 

Қазақстанға мемлекеттік сапармен келген Кения Президенті Уильям Руто Астанада ресми іс-шараларға қатысты. Сапар барысында оны Қазақстан Президенті Қасым-Жомарт Тоқаев қарсы алып, екі ел делегация мүшелерін таныстырды.

Ресми рәсімнен кейін мемлекет басшылары шағын форматта келіссөздер өткізді. Тараптар екіжақты байланыстарды дамыту, сауда-экономикалық әріптестікті кеңейту және инвестициялық жобаларды ілгерілету мәселелерін талқылады.

Кездесу барысында Кения жағы Қазақстанды Еуразия кеңістігіндегі маңызды логистикалық және экономикалық орталық ретінде атап өтті. Ал Қазақстан тарапы Африка құрлығындағы серіктестік әлеуеті жоғары мемлекеттермен ынтымақтастықты арттыруға мүдделі екенін білдірді.

Сапар қорытындысында екі ел арасындағы байланыстарды нығайтуға бағытталған бірқатар келісімдерге қол қою жоспарланғаны айтылды.