|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Қаржы министрлігі Мемлекеттік кірістер комитетінің хабарлауынша, Қазақстан мен Өзбекстан шекарасындағы “Тәжен” өткізу пункті үш айға жеке тұлғалар үшін жабылады, - деп хабарлайды Dauletten.kz.
Шектеу жеңіл автокөліктерге, автобустарға және 3,5 тоннаға дейінгі жүк көліктеріне қатысты болады. Жүк көліктері “Қонысбаева” бекеті арқылы өткізіледі, ал жеңіл автокөліктер мен автобустар “Капланбек”, “Сырдария” және “Целинный” бекеттері арқылы өте алады. Сондай-ақ, азаматтар “Бейнеу” теміржол өткізу пункті арқылы пойызбен сапар шеге алады.
“Тәжен” өткізу пункті қайта құру жұмыстарына байланысты уақытша шектеледі. Ауқымды жоба аясында Еуразиялық экономикалық одақтың сыртқы шекарасындағы тағы сегіз өткізу пункті жаңғыртылады.
- Нәтижесінде өткізу пункттерінің инфрақұрылымы жақсарып, жеке тұлғалардың шекарадан жайлы өтуіне және тауарлар мен көлік құралдарын мемлекеттік бақылаудан сапалы өткізуге барлық жағдай жасалады, – делінген хабарламада.
