|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Вице‑Премьер Қанат Бозымбаевтың айтуынша, Алатау қаласы инвестициялар мен цифрлық технологияға негізделген ерекше орталыққа айналмақ, экономикалық көлемі 2050 жылға қарай 50 миллиард долларға жетуі мүмкін, - деп хабарлайды Dauletten.kz.
Алатау қаласы стратегиялық даму үшін ерекше мемлекеттік орган – Alatau City Authority арқылы басқарылады. Қаланың басты даму бағыттарын Премьер‑министр басқаратын кеңес анықтайды, ал күнделікті әкімшілік жұмысты Бас атқарушы директор жүзеге асырады. Қала әкімшіліктен тәуелсіз жұмыс істейді.
Жоспар бойынша қалада әуе кеңістігі 3 мың метрге дейін пайдаланылады, өңірде 44 инвестициялық жоба іске қосылады. Жобалардың жалпы құны 1,8 триллион теңгеге бағалануда, инвесторлар қатарында Mars, PepsiCo, Hyundai Green Food, Envision Energy және басқа да ірі халықаралық компаниялар бар. Сонымен қатар KAIST университетін ашу көзделген.
Алатау “Digital by default” қағидаты бойынша дамытылмақ. Бұл цифрлық басқару, эксперименттік құқықтық режимдер, жасанды интеллект, пилотсыз көлік және цифрлық активтерді енгізуді білдіреді. Жаңа қала инвестициялық тартымдылықты арттырып, заманауи технологиялар мен инновациялық шешімдерге негізделген экономикалық хабқа айналады.
