Жаңалықтар

Қазақстанда пәтер бағасы құрылыс құнынан 2,5 есе жоғары болып отыр

20.05.2026

мин

0

100

Сурет: ЖИ көмегімен

Қазақстанда тұрғын үй нарығындағы баға мен құрылыс құны арасындағы айырмашылық айтарлықтай екені белгілі болды, — деп хабарлайды Dauletten.kz. 

2026 жылдың алғашқы төрт айындағы деректерге сәйкес, Қазақстанда бір шаршы метр тұрғын үй салудың орташа құны 238,7 мың теңгені құрады. Бұл көрсеткіш жыл ішінде небәрі 2,5 пайызға ғана өскен.

Өңірлер бойынша айырмашылық сақталған: қалада бір шаршы метрдің құрылыс құны орта есеппен 256,4 мың теңге болса, ауылдық жерлерде бұл көрсеткіш 169,1 мың теңгені құрайды.

Ал нарықтағы жағдай мүлде бөлек. Құрылыс компаниялары дайын тұрғын үйді орта есеппен 615,9 мың теңгеден сатуда. Бұл – құрылыс шығынымен салыстырғанда шамамен 2,5 есе жоғары баға.

Ірі қалаларда да ұқсас көрініс байқалады. Мысалы, Астанада бір шаршы метрдің өзіндік құны 283,4 мың теңге болса, нарықтағы баға 731,9 мың теңгеге дейін жетеді. Алматыда да көрсеткіштер ұқсас: құрылыс құны 283,4 мың теңге болғанымен, сату бағасы 733,3 мың теңге шамасында.

Осылайша, тұрғын үй бағасының қалыптасуында құрылыс шығыны мен нарықтық баға арасындағы алшақтық негізгі факторлардың бірі болып отыр.