|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚР Әділет министрі Азамат Есқараев 2024 жылғы 6 қарашада өткен Үкімет отырысында 2025 жылға арналған заң жобалау жұмыстарының жоспарын ұсынды. Ол Әділет министрлігі Мемлекет басшысының тапсырмалары, стратегиялық құжаттар және мемлекеттік органдардың ұсыныстары негізінде осы жоспарды дайындағанын атап өтті, - деп хабарлайды Dauletten.kz.
- Жоспар жобасына сәйкес, 2025 жылы денсаулық сақтау, құқық бұзушылықтардың алдын алу, баламалы энергетика, телекоммуникация және басқа да салаларда 19 заң жобасын әзірлеу жоспарланып отыр. Оның ішінде алтысы жаңа редакцияда дайындалса, 13-і қолданыстағы заңдарға өзгерістер енгізуді көздейді, – деді Есқараев.
Экономикалық белсенділікті арттыруға бағытталған банктер туралы жаңа заң және оған ілеспе заң жобасы әзірленеді. Құқық бұзушылықтардың алдын алу және құқық қорғау жүйесінің тиімділігін арттыру үшін “құқық бұзушылықтардың алдын алу туралы” заңның жаңа редакциясы дайындалады.
- Сонымен қатар, бюджеттің мүмкіндіктерін ескере отырып, базалық медициналық көмек және телекоммуникациялар мәселелері бойынша заң жобалары да әзірленеді. Сайланбалы заңнаманы жетілдіру және баламалы энергия көздерін дамытуға бағытталған заң жобалары да бар. Мемлекеттік қызметті дамытудың 2024-2029 жылдарға арналған тұжырымдамасына сәйкес, “Мемлекеттік қызмет туралы” заң жаңа редакцияда әзірленеді. Бұл заң сервистік және клиентке бағдарланған мемлекеттік қызмет моделін қалыптастыруға бағытталған, – деп толықтырды министр.
Жоспар жобасы сондай-ақ республикалық бюджет және Ұлттық қордан кепілдендірілген трансферт туралы заң жобаларын да қамтиды.
