Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Қазақстанда 13 мыңнан астам медициналық қызметкер екпе салдырды. Енді вакцина алатындар тізіміне 65 жастан асқан азаматтар да енеді. Бұл туралы денсаулық сақтау министрі Алексей Цой айтты.
Оның айтуынша, Ресейден вакцинаның 23 мың дозасы жеткізілді. Азаматтарға екпе салу 1 ақпанда басталған. Осы уақыт аралығында 13 301 медицина қызметкері екпе алып үлгерді. Қазіргі кезде қарттарды екпе алатын жандар қатарына енгізу мәселесі қарастырылып жатыр.
«Шілдеге дейін отандық вакцинаның 2 млн дозасы шығарылады. 65 жастан асқан қарттар да вакцина алатындар тізіміне қосылады. Бұл жағдайда тек созылмалы аурулары бар азаматтар екпе салдырмайды», - деді Алексей Цой.
Еске сала кетейік, отандық вакцинаның сынақ жұмыстары әлі де жалғасуда және оның өндірісіне 32 млрд теңге бөлу жоспарланған.