|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Өмір сүргім келеді” жобасы Ресей армиясы қатарында соғысып жүрген қазақстандықтардың тізімін жариялады, - деп хабарлайды Dauletten.kz.
264 қазақстандық Ресей әскерінде
Бұл ақпарат X әлеуметтік желісіндегі “Өмір сүргім келеді” жобасының парақшасында жарияланған.
- Біз Ресей армиясында қызмет етіп жүрген шетелдік жалдамалылар туралы жарияланымдар сериясын бастаймыз. Алғашқы ел – Ұжымдық қауіпсіздік туралы шарт ұйымына (ҰҚШҰ) мүше Қазақстан Республикасы, – делінген жазбада.
Жарияланған тізімде 264 қазақстандықтың аты-жөні көрсетілген. Олардың қатарында Әбдіраш Нұрболат, Әбілдин Серік, Әбілжанов Ержан, Әуелбеков Қуат секілді азаматтар бар.
Қазақстандықтарды әскерге тарту әрекеттері күшейді
Соңғы уақытта қазақстандықтарды Ресей армиясының қатарына қосу әрекеттері жиілеген. Интернетте Қазақстан азаматтарын Ресей әскерімен келісімшартқа отыруға шақыратын жарнамалар таралуда. Бұл жарнамаларда келісімшартқа отырғандарға 495 мың рубль көлемінде бір реттік төлем және ай сайын кемінде 190 мың рубль жалақы берілетіні айтылған.
Алайда, Қазақстан заңдары бойынша шетелдегі әскери қақтығыстарға қатысу заңсыз саналады. 2022 жылдың күзінде қазақстандық азамат Ресейдің жеке әскери компаниясының құрамында Украинадағы соғысқа қатысқаны үшін 4 жыл 6 айға сотталған.
Сонымен қатар, Ресей армиясына жалданған әскери қызметкерлер мен еріктілер соғыс аяқталғанға дейін үйлеріне қайтарылмайтыны туралы мәліметтер бар. Ресей президенті Владимир Путин олардың келісімшарттары мен мобилизация мерзімі ескерілмейтінін мәлімдеген.
