|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚР Қаржы министрлігі Қытай, Өзбекстан және Түрікменстанмен шекарадағы транзиттік әлеуетті арттыру мақсатында 9 өткізу пунктін жаңғырту жобасын жүзеге асыруда. Қазірдің өзінде 4 өткізу пункті жаңартылды, - деп хабарлайды Dauletten.kz.
Жаңғыртылған өткізу пункттері:
• Қытаймен шекарада — "Қалжат" және "Алакөл"
• Өзбекстанмен шекарада — "Қапланбек" және "Атамекен"
Жаңа кеден бекеттері заманауи инфрақұрылыммен жабдықталған. Бақылау жүйесі толық автоматтандырылып, өту процесі "бір терезе" қағидаты бойынша ұйымдастырылған. Нәтижесінде, шекараны кесіп өту уақыты 30 минутқа дейін қысқарды, ал жолақтар саны 2-ден 6-ға дейін артты.
Сонымен қатар CarGoRuqsat электронды кезек жүйесі енгізіліп, кедендік рәсімдер бұрынғыдан анағұрлым жылдам әрі тиімді жүргізілуде.
Өткізу қабілеті екі есеге артты:
• 2022 жылы – 640 мың көлік
• 2024 жылы – 1,4 миллион көлік
Жыл соңына дейін тағы 5 өткізу пунктін жаңғырту аяқталады: "Қазығұрт", "Тажен", "Темір баба", "Майқапшағай" және "Бақты".
