|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жақында британдық The Telegraph газеті қытай ауруханалары бірнеше апта бойы пневмонияның жаңа жұмбақ түрімен ауырған науқастарға лық толы екенін хабарлаған. Авторлар өз материалдарында бүкіл әлем бойынша адамдар мен жануарлардың сырқатының өршуін бақылайтын ProMed платформасының деректеріне сілтеме жасады.
Сонымен бірге қытайлық БАҚ-та елдегі ауруханалар дәрігер қабылдауын күткен ата-аналар мен балаларға толы екені туралы хабарламалар пайда болды.
Қытайдың ұлттық денсаулық сақтау комиссиясы балалар арасында аурудың өршуін жоққа шығармаған. Бірақ олардың айтуынша, мұндай көрініс антиковидтік шектеулердің жойылуына және белгілі тұмау вирустарының айналымына байланысты қалыптасуда.
Дүниежүзілік денсаулық сақтау ұйымы Қытай билігінен балалар арасында пневмонияның өршуі әдеттегі маусымдық аурулармен байланысты екенін дәлелдеу мақсатында қосымша эпидемиологиялық және клиникалық ақпарат пен зертханалық зерттеулердің нәтижелерін сұрады. Айта кетейік, Қытайда микоплазмалық пневмонияның өршуі бес-жеті жылда бір болып тұрады.
