|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан мұсылмандары діни басқармасы (ҚМДБ) биткоинге қатысты үкім шығарған, - деп хабарлайды Dauletten.kz.
Басқарманың мәлімдеуінше, биткоин шариғат талаптарына сәйкес келмейді. Бұл тұжырым келесі негіздерге сүйенеді:
Шариғат бойынша ақша заңды төлем құралы ретінде мемлекет тарапынан шығарылып, оның бақылауы мен кепілдігінде болуы қажет.
Ал биткоин бұл талаптарға сай емес. Ол ешбір елдің ұлттық валютасына жатпайды, үкіметтік құрылымдардың кепілдігімен қорғалмайды және нақты активке байланбаған. Бұл — орталықтандырылмаған, тек виртуалды кеңістікте бар ақша бірлігі.
Биткоин бағасы кез келген уақытта күрт өсіп немесе төмендеп кетуі мүмкін. Мұндай құбылмалы жағдай адамдарға қаржылық зиян келтіреді. Сондықтан ҚМДБ биткоинмен айналысу адамды арам табыс табуға итермелейді деп санайды.
Шариғат бойынша сауда-саттық адал болуы үшін сатушы мен сатып алушы, ақша мен тауар нақты әрі айқын болуы тиіс. Алайда биткоинмен жасалатын операциялар жиі жасырын түрде өтеді. Бұл — шариғат тыйым салған алдау мен алаяқтыққа жол ашуы мүмкін.
ҚМДБ сонымен қатар Мысыр пәтуа комитеті мен Еуразия мұсылмандары пәтуа кеңесінің биткоинге тыйым салған шешімдерін мысалға келтіре отырып, былай деп түйіндейді:
"Биткоин" криптовалютасы белгісіздікке, алаяқтыққа және жеке адамдар мен мемлекетке зиян келтіретіндіктен, оны шариғат бойынша қолдануға тыйым салынады.
