|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Өскемен қаласының соты облыстық экология департаментінің басшысы Д. Әлиев, тұрғын М. Журкабаев және кәсіпкер К. Длюжевскийге қатысты үкім шығарды, деп хабарлайды Dauletten.kz.
- Сот Әлиевті пара алғаны үшін, Журкабаевты делдалдық жасағаны үшін, ал Длюжевскийді коммерциялық ұйымға алтын өндіруге экологиялық рұқсат алу мақсатында 4,5 миллион теңге пара бергені үшін кінәлі деп таныды. Сот шешімімен шенеунік 4 жылға, тұрғын – 1 жыл 6 айға, кәсіпкер – 3 жыл 6 айға бас бостандығынан айырылды. Сонымен қатар, оларға пайдалы қазбаларды барлау және өндіру саласындағы коммерциялық ұйымдарда 5 жыл бойы басшылық қызметтерді атқаруға тыйым салынды, – делінген хабарламада.
Сондай-ақ, үкім бойынша олар өмір бойы мемлекеттік және квазимемлекеттік секторда жұмыс істеу құқығынан айырылды.
Сот шешімі әлі заңды күшіне енген жоқ.
- Алдын алу шарасы ретінде үкім Экология комитеті мен оның аумақтық бөлімшелері қызметкерлерінің қатысуымен онлайн форматта жарияланды.
