|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шымкентте 610 отбасы заңсыз жолмен атаулы әлеуметтік көмек алды, деп хабарлайды Dauletten.kz сайты "Хабар 24" арнасына сілтеме беріп.
Қалалық жұмыспен қамту және халықты әлеуметтік қорғау басқармасының хабарлауынша, қала тұрғындары өз табыстарын жасырып, анықтамаларды қолдан жасаған. Олар қағаз жүзінде аз қамтылғандар қатарына жатқызылғанымен, ал іс жүзінде коттедждерде тұрып, қымбат көліктермен жүрген.
Заңсыз алынған ақша 30 млн теңгеден асады. Енді азаматтар оларды қайтаруы тиіс. Көптеген отбасылар бұл істі сотқа жеткізбестен, өз еркімен қайтаруға шешім қабылдады. Бірақ кейбіріне полицейлер "Алаяқтық" бабы бойынша тергеу жүргізді.
“391 отбасы өз еркімен бюджетке 17 миллион 502 мың теңге қайтарды. Сотта тағы 219 отбасының ісі қаралды, екі жүз факт бойынша шешім шықты. Бірақ олардың қарызы әртүрлі. Біреу жәрдемақыны екі тоқсан алды. Біреуі бір рет. Әркімдікі әрқалай. Қазір аудит жүргізілуде”, – деді Шымкент қаласының жұмыспен қамту және әлеуметтік қорғау басқармасының басшысы Балмаржан Нарбекова.
Тағы көру
